Fa’ate’a ese se ali’i ma lona aiga mai le nu’u, masalomia ai mataupu tau le Faigapalota.

Papalii Monalisa Tiai Keti – Komesina Lagolago Matagaluega o Leoleo

Ua faamaonia mai e le tamaita’i komesina lagolago o le Matagaluega o Leoleo le Susuga ia Papalii Monalisa Tiai Keti le fa’atoai atu i leoleo ananafi le tagi a se alii e fa’apea ua faate’a ese ma lo latou aiga ma le nu’u.

O le tali mai a le Tamaita’i Komesina ina ua fesiligia e uiga i tala e faapea na saisai (tulou)se alii e le latou nu’u, ma o lo’o taua ai o mataupu tau le faigapalota.

Na faaalia e Papalii…..

E iai le mataupu sa tulai mai i Saleimoa ma sa tali atu iai le Ofisa o Leoleo i Afega, fa’amatalaga o lenei mataupu, o le tama ua fa’ate’a ese ma lona aiga mai le nu’u. Taunu’u atu le Ofisa i Afega o lo’o faia le fono a le nuu ma lenei tama ma aumai uma ai i le ofisa i Afega mo galuega masani a le Ofisa.

E leai se isi ua molia i lea faalavelave, ua faamaonia mai fo’i e Papalii e leai se tasi ua faamanualia, pe ua uma ai le soifua.

O le Aso Gafua 12 o Iulai,2021 na logoina ai leoleo i lenei faalavelave, ae o le Aso Lua 13 o Iulai, 2021 lea na o’o atu ai lea alii ma faaulu lana tagi i le Ofisa autu o le Matagaluega o Leoleo i Apia ,ma ua faailoa mai fo’i o loo faaauau i le taimi nei su’esu’ega a leoleo i lea mataupu.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: