Fa’atumauina le tofi faipule o Palauli 1 i le uluai sui tamaita’i o le FAST.

Mulipola Anarosa Ale Molio’o ma Tupa’i Avala Savaiinaea.

Ua faatumauina nei Mulipola Anarosa Ale Molio’o ma faipule o Palauli 1 ina ua matala ia Sega le finagalo o Tupa’i Avala Savaiinaea ma toe tatala ai i tua lana tagi.

O analeilā i le Faamasinoga maualuga na valaau ai le mataupu lenei peitai o lea ua toe fa’aui i tua.

Na saunoa Tupa’i i fafo mai o le Faamasinoga e faapea…

E leai lava se isi mea e sili atu ona taua ia maua ma le minisitā, e faataua le nuu, itumalo ma aiga. O le palota fo’i o le mea faaopoopo i le soifua o le tagata ma le ola, ae o le aiga ma le mafutaga i le nuu, itumalo ma ekalesia o le mea na e faavavau.

O lo’u taofi lenā nā alai ona fa’afaigofie.

Na saunoa foi le tamaita’i faipule manumalo ia Mulipola Anarosa Ale Molio’o i le taua o so’otaga o aiga ma nu’u fa’apea itumalo, o se tulaga ua ave iai lā laua fa’amuamua.

E le gata i lea ae na fesiligia foi le tamaita’i faipule i le tulaga na salalau ai nei tala i luga o le social media o ia ua liliu atu i le HRPP…

Ou te lē iloa po’o fea e fa’avae mai ai ia fa’amatalaga. Manatua fo’i o a’u lava le ulua’i tamaita’i na iai i le fa’avaega o le Vaega Fa’aupufai o le FAST.

E le’o a’u fo’i ose tagata e alu e faalata le patī. E iai foi o’u talitonuga ma mafuaaga na ala ai ona ou filifilia le Vaega Faaupufai o le FAST. E le gata o lona suafa ae o vaega fo’i ua aga’i iai le atinae o Samoa ma ona tulaga uma.

Sa ia fa’ailoa foi e le’i fa’atinoina lana auaunaga i lona itumalo i le tolu tausaga talu ai ona o le faigapalota, ae o le tali atu i mea o manaomia e le itumalo….

O iina e faavae ai le faigapalota a le tagata ma lana faiga filifiliga. E le fa’apea e alu e ave ni tupe e tufa e influence ai le filifiliga a le tagata palota…leai…e fa’avae i luga o le tagata o loo faatino galuega lelei i totonu o nu’u ma le itumalo.

O Tupa’i sa tauvā mai i le Vaega faaupufai a le Tautua Samoa ma o ia o se tasi o sui e toafitu iai sui na tauvā mo Palauli 1. E 460 palota na ia maua ae tusa ma le 252 palota na vā ai ma Mulipola Anarosa Ale Molio’o.

O Mulipola o le uluai tamaita’i lea na iai i le taimi na fa’avae ai le Vaega fa’aupufai o le FAST ma o ia na tofia ma Minisitā o Tupe e le Vaega Fa’aupufai i le Fa’atautoga o le aso 24 o Me o le tausaga nei.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: